Mitfahrgelegeheit uf Silvaplana

    Hey zeme.


    i suche für da weekend und au anderi wucheend mitfahrglegeheit uf silvaplana!!
    i bi 16 und bi jetzt scho fascht 3 johr am kite und bi immer mit min vater gange. Er isch aber leider verstorbe, aber i wet glich no zum kite cho.


    doh i aber zgrabs wohne (st.galler riehtal grad nebet buchs und ungefähr 20 min vo sargans entfernt) isches sehr schwer e leige uf silvaplana zcho.


    drum bi i uf mitfahrglegeheite für e weekend oder au nu en tag a gwiesse.
    i wär hure froh wen sich öber melde chöndi wo dsargans verbi fahrt oder au zbuchs und i mi und material mit neh chöndi, übernachte chöndi bi kollege dobe seb wer für mi kei problem wen öbert e weekend dobe bliebt.


    wer hure fett wen sich öber melde täti
    merci scho im vorus


    mfg phil

    Hoi Phil


    Das mit dim Vater tuet mir huere leid.


    Ich fahre entweder am Frietig morge oder am frietig obig uf Silvaplana und Du chönntisch problemlos mit mir mitfahre.


    Mini Nummere wäri 079 698 54 88


    Wörds Dir nur am Frietig obig go?


    Ich fahre vo Züri und denne D'Sargans verbi.

    ciao philtosh


    ebafalls herzlichs beileid weg dim vater.


    i kuma vo sevelen ... sind jo halba nochbura!!!
    du kasch sicher mit mir ufa fahra ... doch wenn was wia wo machemer am besta telefonisch ab ... natel 079 382 28 27.


    gruass

    Hey Phil


    Übrigens, falls irgendeinisch niemmerd söttisch finde, muess das ken Grund si, zum nid noch Silvaplana zgo. Mit em Zug goht das im Fall super. Früener bin ich viel mit em Zug gange, sogar goge Windsurfe.


    Eifach en fette Boardbag und alles dete inepacke. De Kondukteur het uf jede Fall nie schwierig do.


    Ok, bineme 3 m Windsurfboard het er mängisch scho echli komisch glueget, aber das Problem hesch Du wohl nümme.

    Salü


    Boardbag mit Redli! Bin letscht jahr wäge seminarreis en zwüschestopp in Fehmârn go mache. Natürlich uf em Zältplatz. -> Chleider für 2 Wuche, 2 Kites, Board, Neo für 13Grad Wasser, Zält und Slalomboard für Busstation zum Zeltplatz. Gsammthaft sind das 32kg gsi :shock: Neusidlersee gaht au guet mit em Zug...


    mfg Nalu

    Hei Philip


    Wänn ich uf Silvaplana gange phone ich dir uf jede Fall. Dini Nummere han i ja.
    Nume vor de Summerferie wird das nümm si.


    Ab em August aber sicher no es paar mal.


    ...Und i Winter natürlich au.


    En windige Gruess


    Michael