Hey Dragonfly!
Ich kenne die zueständig Person in Sache Bewilligunge förs Kitesurfe im Kanton Aargau. Ben dra am abkläre, was mer i dere Rechtig chönnt mache. Bes det ane jedoch, esch jegliches Kitesurfe (oder besser gseit Drachensegeln, wie de Gsetzestext usseit) uf Aargauer Gewässer verbote.
Gruess
Marc
Ciao Niels!
Juph, das esch schad, aber secher, dänke scho, dass mer sech mol söscht ufeme See i de Schwiiz werd atreffe.
Fendes aber easy, dass Du Dech hesch chönne för das entscheide und uf Talamone gosch, wersches secher ned bereue!!
Hang loose!!! 
Marc
So etwas würde ich natürlich super finden, eine Ecke in der man über Fahrfehler oder Probleme plaudern kann. Es kann nur jeder profitieren. Fahre selber noch Motocross und bin da auch in einem Forum eingeloggt und konnte schon nur durch Fragen übers Forum einiges lernen, da ich mir dann beim Fahren, durch vermehrte Aufmerksamkeit auf gewisse Sachen, einfach schneller Vortschritte machen konnte. Klar, die erste Schulung sollte dringend bei den Profis gemacht werden, aber hey, irgendwann kommt der Zeitpunkt, wo man es selber versuchen muss. Und sind wir mal ehrlich, wen hat es schon nicht einmal so richtig auf die Fresse geschlagen beim ausprobieren, sei es nun beim Kitesurfen oder sonst wo.
No risk no fun. :twisted: :twisted:
Ciao Niels!
Das im Juni in Talamone en Kitekurs sött stattfinde esch noni offiziell. Wie gseit, ben gester schnell det im Shop gsi ond de händ mers öber Talamone gha. D'Rahel het mer degseit, dass sie, wenn alles klappet, im Juni bis afangs Juli wärde donde sii. För meh Infos müesstisch am gschitschte schnell alüte.
Marc
Ciao Niels!
Nei gange ned anen Kurs, gange chli selber go om fräse. Aber wie gseit, esch eh öbber donde wo so wies usgseht, en Kors geht i dere Ziit.
Mer gönd ufen Campingplatz, de gliich wie die wo de Kurs wörde veranstalte. Metfahrglegeheit muess ich Der no genau abkläre. Dänke aber mol för 1 Person hättis secher Platz, för 2 müessti luege, da mer jo ned nor met eim Fahrzüg abefahre, müesst mol bi Kollege nachefrage.
Gruess Marc
Ciao Niels!
Zuegeh, de Priis met Öbernacht tönt guet. Bi wellem Veranstalter esch das??
Besch scho mol gsi am Gardasee go Kitesurfe? Wenn ned, denn folgendi Infos. Mer chan so dsäge nor Kitesurfe, wenn mer zersch metem Boot usefahrt, ned öberall, aber fast, osser vellecht in Malcesine. Zudem han ich wie gseit dErfahrig gmacht, dass es bi mer eifach en Woche lang kei Wind gha het ond ebe sWasser rächt kalt gsi esch (Grund: Schmelzwasser flüsst in Gardasee).
Ich wör uf Talamone/Toskana goh!! Was ich abem 21.6.05 au ben. Det hesch en mega lange Strand so gäg die 8 Kilometer. Stehtüfene bes 200 Meter abem Strand und han bes jetzt nor guets ghört ond gseh. De Wend esch praktisch emmer vo de Siite ab ond zu gäg de Strand ond am Obe chas vorcho, dass er mol Ablandig esch. Es het Kitesurfschuelene det vor Ort. Es geht aber au öbber wo ab de Schwiiz goht. Frogsch mol im Gecko Sport Shop in Baden (056 / 222 88 70) noche, verlangsch eifach nach de Rahel, oder fendsches au onder http://www.gecko-sport.ch.
Esch zwar vellecht chli tüürer als das Kursagebot wo Du hesch, aber esch ned gross gspürbar de Ondersched. Des weiteren send das ächt cooli Lüüt uf dem Shop ond hättsch secher en Kurs of Schwiizerdütsch. Ich be grad vori dete gsi ond weiss, dass im Juni sehr wahrschinlech 3 Woche lang dete send, chan sii, dass en Kurs abüüte, för Lüüt wo nömme grad afänger send.
Ond hey, wenn im Juni ned zwengend anes Datum bonde besch, seisches eifach, gönd wie gseit am 21.6. - 28./oder 29.6. abe. Send es paar Kollege debii wo düend Bike, ben au de einzig Kiter ond be au noni so de Platzhirsch. Wenn Ziit ond Lust hesch eifach mälde, händ no gnue Platz.
Marc
Ciao Niels!
Besch secher, dass Du denn an Gardasee möchtisch go Kite?
Ich weiss ich weiss, ich mache mer met dere Ussag do enne dänk jetzt grad es paar Feinde, aber ich persönlech fende de ned so de Hammer zom Kitesurfe. Ben letzt Sommer au gsi, han en scheiss Thermik gha. Vo 7 Täg beni 2 ufem Wasser gsi. En lokale Kitelehrer het mer denne gseit, dass er au ned wössi was los esch, das scho es Ziitli nömme so de Hammer gsi seg am Gardasee zom Kitesurfe. Vellecht hani denn grad Pech gha, chan au sii.
Aber hey, wenn scho Kilometer fahrsch, wieso de ned grad as Meer het bestemmt bessere Wind, oder gsehn ich das jetzt falsch?? 
Öbrigens, ben letzt Johr au afangs Juni gsi, esch no rächt chalt gsi, han eigentli dänkt, dass so en See in Italie om die Johresziit chli wärmer esch!
Ciao Aime
Hey, merci för Dis Mail, han Der eigentli welle zrog maile ond no es paar Infos dore loh, was wie wenn und wo mer genau send, nor chomi emmer en Fehlermäldig öber wenni Der es Mail schecke.
Mäld Dech doch nomol bi mer!!
Marc
Ciao zäme!
Gange vom 21.- 28. ev. 30.6.05 met es paar Kollege uf Talamone! Mini Kollege send voll die Biker ond ich, wie chas au andersch si uf dem Forum, en Kitesurfer. Het öbber i dere Ziit Ferie ond Lust zom metcho? Wohnmobil, Zelt, etc..... esch scho alles organisiert!! Es het zuesätzlech insgesamt no secher för 2 Persone platz.
Öbrigens, ben noni so de Platzhirsch bim Kitesurfe. Wenns also au no Lüüt dronder het wo nonig so guet send, send die natürli herzlech wilkomme, selbstverständlich dFreaks au, mer chan jo schliesslech emmer vo denne lerne.
Gruess
Marc
Ciao Jodok!
Tönt doch also guet. Ben schwer froh, dass es so angagierti Lüüt geht wie Dech!!!
Pasci!!
Hmmm... tönt also wörkli voll geil das Agebot, nor..... han zwar vell Ferie, das sogar en Lehrer niidisch wär uf das, nor chani leider so kurzfristig nömme frei mache. :cry: Aber hey, han im Juni ond Juli nomols einisch 2 ond einsch en Woche Ferie wo ich eigentli mol nochli weg möcht, vellecht klappets jo denne mol. Aber hey, danke nomol för dInfos!!!
dani
Ciao Dani, hmm... ha scho gmeint, ich segi do ganz allei i dere Gägend wo dem Hobby hende noche hechtet. Cool dswösse, dass no öbber do grad om de Egge wohnt. Wohne am Buecheweg i de Ufo-Hüser, kennsch secher, send die im Waldrand entlag uf de Stelze. Wenn also mol go Kite gosch, eifach mälde, denn chönnd mer jo mol zäme noimets anefräse.
Greez an alli!
Marc
Cuai Pasci!
Juph, Bodesee esch en Variante, eifach halt ned för die Täg wo ich an Comersee möcht, söscht aber emmer!!!
Jojo, das liebe Thema Ferie. Guet, so vell wie ich Ferie han, chönnt mer scho fast meine, dass ich Lehrer ben! :lol: Osser, das de halt secher ned jede Monet e Woche Ferie cha mache!! :lol:
Weisch Du öberhaupt grad, wie de Comersee im Mai so esch, Temperatur, Wind, etc..... Ond hey, wo ane gosch Du genau i dere Ziit? Gange drom ehrli gseit serschte mol det ane im Mai!
Greez
Marc
Ciao zäme!
Han vor i de erste Woche vom Mai chli an Comersee go Kite. Dänke mo, dass ich am Sonntig Mittag abfahre ond am Mittwoch Obe zrog düse, sprech 3 Täg ufem See sii.
Het öber Lust metzcho, oder esch vellecht eh öbber vo euch i dere Ziit au donde? Allei esch halt scho ned so interessant.
Ich be nonig so de Hirsch i dere Sportart, wär dorom vellecht ned schlächt, wenn Du das au noni besch, söscht hät jo nor emmer de oder die eint vo eus öbbis zlache ond das müesst also ned onbedent si. 
Also hey, denn wart ich doch also mol uf en Antwort vo euch.
Marc
Ciao zäme!
Ich han mol dänkt, dass ich im März rechtig Ägypten, Djerba, Tunesie oder Südtürkei gange go kite. Gemäss de Windinfos sötss so im Februar-März rächt genial sii dete.
Ben noni grad de Platzhirsch im Kite, aber fliessig dra am üebe. Het öber Lust ond Ziit zom i dere Ziit metzcho. Han interessanti ond gueti Agebot gseh vo de Skyriders. Gueti Hotel ond Mietmaterial.
Ben e 28 jährige Kiter und sueche eifach ufgstellti Lüüt wo im März chli met in Süde chömmed! Egal öb Ma oder Frau, egal wie alt, swechtigschte esch de Fun debii. Näbe Kite chönnt mer mech vor Ort för en Endurousflog, Tauche, Jogge, Bike, Fitness, Schwimme ond för Volley begeistere.
Gruess
Marc
Ciao zäme!
Ich ghöre zo de wenige Glöckleche wo jetzt denn Ferie händ! :lol: Ich gange jetzt denn chli uf Cremona/Italie go crosse ond han dänkt ich machi vorher no en Woche noimets am Gardasee chli Kiteferie. Het mer öbber en Tip wos am beschte esch so om die metti Oktober?
Gruess
Maryk Mark
Hey Fiona
Puuhh... han demfall nomol Glöck gha!! Guet, mer mache das jo ned zom Berüemt zwärde, sondern.... for the fun of it!!!
Cool, scho weder in Austraulie....Klar, mer chönned do i de Schwiiz ned mithalte met de Welle i andere Länder... aber hey, wenn mer bi Eus i de Berge metem Kite ufem Board ergend en geile Powderhang abefräsed ond denn debi no ergend en geile Bodewelle denne het, chamer also doch au bi eus de eint oder ander schöni Sprung ane brenge. Guet, de Ufprall esch de ned so weich, we mer uf de Bode knallt, wenn mer chli falsch landet. Aber was sölls, öber dLandig macht mer sech jo ersch serschte mol i de Luft Gedanke!! :lol:
Also hey, denn hoff ich doch, dass ehr schöners Wätter händ als mer do!!
Grüessli
Marc
Hey Leute
Hmmm..... Um ehrlich zu sein sollte ich mich fas schämen, denn ich kenne Fiona nicht einmal vom Namen her. :? Ich wohne im Nachbardorf Station Siggenthal und kenne sie nicht mal..... :lol: Als Entschuldigung kann ich da wohl nur angeben, dass ich aus der Snowboarder und Motocrossszene relativ frisch auch im Kitesport angagiert bin.
In diesem Sinne Sorry, Fiona, dass mir Dein Name nicht bekannt war!!
Gruss
Marky Mark
