Vorderes X-BAND

    An Simon oder sonstige kreuzbandoperierte (patella),


    du hesch doch au s'x-band operiert met patella oder? hesch du nie schmärze bede patellasehne ond schwellige det omenand gha?


    esch nome so, be letscht weekend 1 h ufem Wendsurfbrätt gstande be denn 2 h chli en bärg druf ond drab gloffe be, met de chica nochli beachball gespellt ufem stäistrand en domaso. resultat: am nögschte tag hani en ergoss gha em glänk (has weniger guet chönne büge, schmerze vo hender de patella bes uf d'chnü ossesite. send etse 7 mönet ond so langsam sötts das doch verliide?? hed öpper do echli erfahrig??


    bin für alle berichte dankbar. greetz,


    Claudio


    p.s. be mer hed sech em verlauf vo de physio en schlimbütel entzöndt ca. 2.5 monate her. hed das ächt emmer no en iifloss?

    hola Claudio


    ich habe nichts operiert. ich habe etwas probleme mit den knies.


    ich habe festgestellt dass kiten am allerwenigsten macht!! (kein witz :wink: )
    nach nur wenigen stunden laufen hatte ich knieschmerzen. ich konnte kaum zum gumpisch laufen - das kiten hat eher geholfen.


    anders beim windsurfen - ich kam kaum mehr aus dem wasser.


    ich empfehle dir daher sanft mit kitesurfen anzufangen (nicht zu überpowert und keine hohen sprünge) dazu ein gezielter muskelaufbau - auf den rest würde ich im moment verzichten


    im internet findest du sicher mehr infos


    hasta feensturm

    Hey Leute


    Ig ha vo es paar Jahr es glichs Problem gha mit em Chrütsband.
    Was mir em meischte ghulfe het das isch Velofahre gsi, ohni extremi
    Chraftasträngig!
    Es sanfts dehne vo deMuskle und de Sehne isch o no nüzlech!
    Und ig ha eifach zimmlech Salbi brucht,das Teil heist Wallwurzgel!
    Cha das nume empfäle, chunsch es i de Drogerie über.


    Es hiubs Wucheändi


    Richi

    Ha mis XBand (hinge) im April 03 operiert und nach langsamem Muskelufbau (Walwurz derzue isch würklech e Gheimtipp!) öppe nachemene Jahr wieder voll chönne belaste - aues vorher het Schmärze verursacht. U sit öppe 6 Monet isch ou dr Gring wieder frei (auso nach 1,5 Jahr) vor Angscht vor Dräibelastige...Hesch auso no chli Zyt (sorry für dä schlächt Bscheid!)...

    merci


    :? tönt ned gad mega ermuetigend - aber easy - do muesi ets halt döre, hamer au scho öberläid die wentersaison ned go boarde ond denn nögscht sommersaison langsam weder met surfe afo...


    jedefalls, merci vör euchi antworte


    greetz,


    claudio