Das isch jetzt aber würklich super gsi. Da stan ich in Silvaplana uf dere ominöse Wise und möcht eigentlich mit em 21er Psycho2 ufs Wasser ga.
Leider hät de Wind nöd würklich glanget.
Und Grägnet häts au no zWüschedure.
Es paar schritt vo mir eweg isch de Tiger mit enere Gruppe Newbees gstande, ..... Kite händ die alli au nöd chöne. Aber de Tiger hät locker e Safety session durege. So über Vortrittsregle usw. und hät au kontrollfrage gstellt.
Technik und Methodik mit Bravur bestande... aber das isch bim Tiger ja au sälpferständlich.
Ich hoffe das da obe alli e so gueti Unterrichtslektione duregänd dänn mues mer au nüme so angst ha in Silvaplana.
Nomal es Fetts Merci an Tiger
Michael Kaspar
SUI 71